Feliz 2010, o ano de Galicia

Este é case seguro o derradeiro post do ano 2009. Dende eiquí quérovos desexar a tod@s que teñades un bo remate de ano e que teñades un feliz e venturoso 2010; un 2010 que por outro lado xa se está a denominar coma o ano de Galicia pois recordemos que este ano é ano santo (o 25 de xullo coincide en domingo) e isto non volverá a suceder ata o 2021 polo que se prevee que millóns de peregrinos e visitantes poblen Galicia ó longo de todo o ano para disfrutar das excelencias do "Camiño" e da cidade do Apóstolo Santiago.
Polo que respecta a Sobrado dende hai 3 meses xa están confirmados dous numerosos grupos para os días 30 e 31 de xullo: serán 1000 peregrinos cada día que encherán de xente o casco urbano rozando case o caos pero que serán moi benvidos pois os ingresos que se preveen satisfacen notoriamente todo o desorde que se puidese montar. De seguro que máis grupos como estes (aínda que non sexan tan numerosos) han de chegar ó longo do ano, por non falar de pequenos grupiños de 4 e 5 persoas que habitualmente pasan polo Camiño Norte ó longo de todo o ano e que no 2010 será máis acentuado. Parece ser que dende o Xacobeo están a ultimar todos os preparativos tanto a nivel cultural, como de loxística para que Galicia sexa unha festa os 365 días do ano..., a ver o que nos depara.

Feliz Aninovo e disfrutade que ben o merecedes.

Unha aperta, vémonos no 2010