Estaba cantado, logo da gran actuación coa que uns músicos improvisados nos deleitaron nas festas de San Pedro a votación do mes de xullo tiña visos de que a maioría dos lectores ía opinar a favor da creación de esta charanga.
Pouco a pouco intento restablecer a normalidade no blog logo de unhas semanas bastante atarefado. Hoxe volta connosco a pregunta da semana:
quen apareceu con unhas mechas vermellas na súa cabeza logo de que estivese pintando o interior de un BMW desa cor no taller?
Por fin, este ano sí. A décima Edición da Feira da Troita resultou ser un éxito en todos os aspectos: en afluencia de público, en climatoloxía, en actividades, en publicidade e incluso no que máis se resistía: nos concertos.
Ith e Celtas Cortos encargáronse de que a V edición do Festival Musical e Intercultural da Xuventude tivese unha afluencia masiva de espectadores que vibraron co espectáculo destes dous grupazos. Daba gusto ver a praza de Sobrado chea de xente que estaba a disfrutar co festival.
Sen lugar a dúbidas que os concertos do sábado son ata o de agora os de máis éxito e mellores recordos que se celebraron na historia da Feira da Troita, o ímportante número de espectadores así o confirma.
Celtas Cortos amosaron ser moi profesionais tanto enriba do esceario coma fora de él, algo que explica o porqué dos seus 23 anos de existencia. Cifu e os seus raiaron en Sobrado a un gran nivel.
A mañá do domingo amaneceu con sol, as 10.30 horas xa facía bastante calor que auguraba un día expléndido. Nada máis chegar a praza puiden observar que a Radio Galega estaba a instalar a unidade móvil para facer un programa de tarde en directo que durou dende as 17 ate as 21 horas e onde tanto os periodistas coma os técnicos de son encabezados polos sobradés Suso Santos amosaron a súa amabilidade e atención con nos.
Precisamente cando se estaba a producir o pregón de Valentín Tato comezou a soprar o vento e a nubrarse, parecía coma se quixese chegar a tormenta pero esto tan só foi un amago e axiña se despexou. O número de xente que estaba na praza a degustar "troita á montañesa" a esas horas era moi elevado. Logo do pregón actuou o grupo local "A Maristela" de Sobrado e de seguido a Charanga Vendaval que animou a comida así coma tamén a baixada de Carrilanas.
Os meus compañeiros do Club Atlético Sobrado Xuventude foron os encargados de elaborar as troitas con moito éxito. Tamén houbo varios colaboradores e colaboradores que votaron unha man (graciñas a tod@s).
Boas amigos e amigas, antes de nada disculparme por todos estes días sen escribir pero é que ando a ultimar todos os detalles da X Feira da Troita e a verdade é que non dispoño de moito tempo. En canto pase o día 23 seguro que recuperarei o tempo perdido.