Bingo!

Por fin, este ano sí. A décima Edición da Feira da Troita resultou ser un éxito en todos os aspectos: en afluencia de público, en climatoloxía, en actividades, en publicidade e incluso no que máis se resistía: nos concertos.

Ith e Celtas Cortos encargáronse de que a V edición do Festival Musical e Intercultural da Xuventude tivese unha afluencia masiva de espectadores que vibraron co espectáculo destes dous grupazos. Daba gusto ver a praza de Sobrado chea de xente que estaba a disfrutar co festival.

Sen lugar a dúbidas que os concertos do sábado son ata o de agora os de máis éxito e mellores recordos que se celebraron na historia da Feira da Troita, o ímportante número de espectadores así o confirma.

Celtas Cortos amosaron ser moi profesionais tanto enriba do esceario coma fora de él, algo que explica o porqué dos seus 23 anos de existencia. Cifu e os seus raiaron en Sobrado a un gran nivel.

Pero tras este éxito nocturno agochase unha xornada que comezou as 09.30 horas AM que comezou de maneira negativa pois o esceario chegou hora e media tarde para a montaxe e os nervos a estaban a flor de pel... o tema xa ía con retraso. Pola media tarde a historia complicouse moito máis cando un xerador eléctrico emperrouse en non querer encender e o outro xeradorestábase utilizando para as luces polo que o risco de quedarse sen concertos pululaba polo aire. Nese momento encontrábame atacado dos nervos e rezando como xamáis o fixen. Grazas a colaboración de Pazitos, de Esteban e do pai de este último o xerador arrancou logo de media hora de intenso traballo que fixo que todos respirásemos de alivio.

A noite foise achegando e con ela os espectadores para o festival. Media hora para ducharse (sen cear) e de novo para a praza (coñezome todas as lousas de memoria) a abrir os camerinos para Celtas Cortos.

Comezou ITH con un rock potente e coa maravillosa voz de Thais (que talento ten esta rapaza), os Folgueira, Toxo, Miguel, etc, entregaronse o público sobradés e o respetable soubo agradecelo con aplausos e ovación para estes fenómenos.

As 00.30 horas chegou o prato forte: Celtas Cortos. Non se fixeron agardar moito e tras comezar o concerto con 3 cancións do seu novo disco "40 de abril" arrancáronse co "Haz Turismo" que fixo a xente botar. 2 horas estiveron os pucelanos sobre o esceario aínda que lles fixo falta pouco tempo para meterse o público no bolsillo logo de interpretar varios temas dos máis coñecidos do seu repertorio. Cifu e a súa banda amosaron o seu bo facer e a súa profesionalidade na praza sobradesa lonxe de outros grupos e orquestras que prefiren "o circo" antes que a música. O público soubo recoñecer a gran actuación coa que nos deleitaron e logo de interpretar como última canción "No nos podrán parar" soaron aplausos para dar e tomar. Logo de 26 temas o concerto acababa de ser un éxito. Debo confesar que cando acabou o espectáculo eu encontrabame exultante pois logo de que en edicións anteriores por un motivo ou outro o Festival non arrincase pódese decir que este ano si foi o bo e confiemos que esto vaia en progresión.

Tras o concerto tocou estar pendentes do desmonte do esceario así como de que todo estivese a gusto dos artistas que hora e media despois abandoaron os camerinos, algúns para irse o hotel e outros para tomar algo polos bares do pobo. As 6 AM o esceario quedou libre completamente e cheguei a cama as 6.30 AM con bastante cansancio... e o peor era que me quedaban pouco máis de 3 horas para durmir.

A mañá do domingo amaneceu con sol, as 10.30 horas xa facía bastante calor que auguraba un día expléndido. Nada máis chegar a praza puiden observar que a Radio Galega estaba a instalar a unidade móvil para facer un programa de tarde en directo que durou dende as 17 ate as 21 horas e onde tanto os periodistas coma os técnicos de son encabezados polos sobradés Suso Santos amosaron a súa amabilidade e atención con nos.

Pola mañán últimos retoques con respecto a feira da troita: preparar os premios en metálico para a baixada de carrilanas, buscarlles algunhas solucións para arranxar minúsculos problemas dos artesanos, preparar os agasallos para o pregoeiro, etc.

Precisamente cando se estaba a producir o pregón de Valentín Tato comezou a soprar o vento e a nubrarse, parecía coma se quixese chegar a tormenta pero esto tan só foi un amago e axiña se despexou. O número de xente que estaba na praza a degustar "troita á montañesa" a esas horas era moi elevado. Logo do pregón actuou o grupo local "A Maristela" de Sobrado e de seguido a Charanga Vendaval que animou a comida así coma tamén a baixada de Carrilanas.

Os meus compañeiros do Club Atlético Sobrado Xuventude foron os encargados de elaborar as troitas con moito éxito. Tamén houbo varios colaboradores e colaboradores que votaron unha man (graciñas a tod@s).

Xa chegada a tarde e co estómago cheo a xente seguiu disfrutando das actividades pola tardiña, tanto nas carrilanas, coma presenciando o programa en directo da Radio Galega. Un dos puntos fortes da tarde foi cando Carnabrasil Show interpretou en directo para a Radio Galega un par de temas que fixo que se concentrase un número importante de espectadores que fixo colapsar a estrada que atravesa o casco urbano. Logo a comitiva brasileira dirixouse facendo un pasarúas pola estrada para despois actuar na praza do Concello por un tempo de unha hora. Estes brasileiros e brasileiras ademáis de ofrecer un espectáculo alucinante de capoeira, son de batucada e baile fixeron participe o público que tamén tivo a oportunidade de bailar no gran circulo que se formou na parte superior da praza.

Como broche de outro o concerto de Brath pechou unha xornada festiva que a nivel xeral deixou un bo sabor de boca. A nivel persoal a satisfacción é completa pero sempre coa idea na cabeza de que na vindeira edición se mellore o de este ano.

Grazas a todos polos apoios recibidos.

Saudos

P.D: déixovos a crónica de "La Voz de Galicia" de onte luns relativa a X Feira da Troita de Sobrado.

http://www.lavozdegalicia.com/coruna/2009/08/24/0003_7925775.htm

Mención especial para Juan González "Karnotxo" polas súas fotografías (estas que vedes nesta entrada) e pola súa atención.