Quérovos desexar de todo corazón a tod@s os que vos pasades por eiquí habitualmente ou de cando en vez que teñades unhas felices festas nas datas tan sinaladas que se aproximan. Ogalla poidades disfrutar de estes días coa vosa xente máis querida: familiares, amigos, parella..., etc, etc e de paso pedirlle a Papa Noel que se porte ben con todos vos que ben o merecedes (seguro que así ha de ser, non teño a menor dúbida).
Mañá é Noiteboa, un día dos máis festeiros en Sobrado xa que dende metade da tarde a xente xa comeza a facer as habituais rondas polos bares e cafeterías do pobo antes de ir cear. A tarde sempre está moi animada..., pero máis tarde de cear coas familias e de atiborrarse a comer, moita xente se anima a baixar a celebrar esta noite máxica tamén cos amigos (como non, pois son tamén parte importante da familia) de ahí que moitos locais abran as súas portas unha vez pasadas as 12 da noite para poder tomar uns xeos en vaso ancho (ou estreito dependendo do gusto).
A nivel particular debo dicir que é un día dos máis bonitos e especiais do ano para min porque o pobo vístese de un ambiente festivo unicamente equiparable a festa dos Dolores e iso é algo que me irradia felicidade. Ver Sobrado de festa rachada é unha sensación indescriptible e que só os que nacemos eiquí o pode entender(sería para facer un estudio pormenorizado da relación Sobrado: festa, eu penso que hai centos de anos algun rei pasou por Galicia e foi elixindo os mais marchosos e marchosas de cada lugar mandando crear un novo pobo que se chamou Sobrado, non sei se quizais porque de festa iban "sobrados").
O caso é que mañá e día grande, día de festa, de carallada, risas e añoranzas; dádelle leña ó marisco e o champán (a quen lle guste claro está), cuidado co turrón e as noces que igual os dentes e moas sufren algún que outro accidente, e o que lle toque conducir, moito coidadiño na estrada, ide amodo que os regalos van chegar igual.
O dito, felices festas, e vémonos o luns 28, Día dos Santos Inocentes e cumpleanos de Pitus para máis señas.
Sede bos!
P.D: mañá os non fumadores encenderemos o puro da paz, tamén chamado "lamparilla".
Unha aperta
Unha mala nova surxiu hoxe para todos os blogueiros que temos dominio "blogspot" xa que parece que o dominio "falsespot" vai comprar o dominio que rixe agora estes blogs gratuitos e entraría en funcionamento o 1 de xaneiro de 2010 ou o que é o mesmo, xa este venres. A idea inicial de falsespot sería cobrar 80€ mensuais polo dominio co que seguro que moitos dos blogueiros entre os que me incluo nos negaríamos a ter que pagar un prezo que o meu entender é abusivo. Polo tanto a día de hoxe o futuro de milleiros de blogs co dominio blogspot é incerto a espera de novas esperanzadoras.
