Escribo por oidas pois como estes días os medios de "desinformación" non se encargaron de informarnos que hoxe as 21 horas xoga un equipo que viste de azul e grana chamado F.C. Barcelona dirixido por un tío que viste caro, que é moi correcto falando e que ten barba de 3 días contra outro equipo que viste de branco, que son da capital, do mesmo centro de Madrid, que os adestra un portugués con cara de cabreado e polémico, pois xa volo digo eu para quen lle interese.Ironías fora, a pesares de que son un gran amante do fútbol, que é a miña verdadeira paixón, creo que nos estamos a pasar co trato a estes dous clubes. Chegou un momento no que so interesa o que fagan "os personaxes" de ambos clubes. Hai uns anos o fútbol era eso: fútbol. A día de hoxe é outra cousa, parece que o resto de equipos xa non pintan nada na Liga, as televisión "regalan" todo o seu "arsenal eurístico" a estes dous clubes para potencialos máis (nin que tiveran falta) quitandollo os que máis o necesitan (o resto de clubes)... é coma a historia de Roobin Hood pero o revés.
Existen dúas ligas, a do Barcelona e R. Madrid por un lado e a dos outros 18 equipos por outro. Esto vai camiño de converterse nunha Liga Escocesa onde so gañan Celtic ou Rangers e o resto de clubes son meras comparsas. Eu creo que xa que tan importantes son os "dous titáns" deberían facer unha liga a súa medida; é dicir, que xoguen 38 partidos un contra o outro, 19 no Camp Nou e 19 no Bernabeu e o resto de equipos unha liga aparte. Xa verás ti o interese que vai ter a xente en ver un Barcelona - R. Madrid cando sexa a 3ª vez que xogan en tres semanas, igual moitos prefiren ver un Hércules - Levante con todos os meus respetos para os estes dous equipos. Aquí parece que o resto de equipos xa non pintan nada, nin se valoran, nin interesan, nin nada de nada, pois ben, non nos engañemos, esto á larga irá en detrimento do fútbol español en competicións europeas, e senón ó tempo.
O meu entender a solución é o tope salarial que impera na NBA polo que os equipos non se poden pasar de un presuposto. Así os xogadores están máis repartidos e máis equipos poden competir por acadar títulos. Hai uns anos Valencia, Atlético, Deportivo, Villarreal, Athletic, Zaragoza, Real Sociedad, Betis ou Sevilla presentaban batalla, hoxe en día, nin por asomo. É máis, como sigamos así co reparto televisivo, os demáis equipos nin están nin se lles esperan, eso sí, todos adoraremos a flamante moza de CR7 ou o cochazo que luce Messi...
Saudos e que gañe o que o mereza (se é que realmente o merece algún)...
Ningún comentario:
Publicar un comentario