PPV (Pechado Por Vacacións)

Siiiiiiiiiiiiiiiiiiiiiiiiiiiiiiiiii, por fin, hoxe a partires das 00:00 horas, cando remate o concerto de Dani López, estarei oficialmente de vacacions. Polo tanto estarei un pouquiño perezoso a hora de ter o día este blog.

Voltarei o "curro" o día 24 de setembro, se Deus quere poñerei fotos "a jranel" da Festa dos Dolores, na cal agardo que saia todo ben: Tempo, Cartos, Xente,etc, etc, etc.

Falando dos Dolores debo dicir que hoxe na páxina 2 da sección FUGAS de La Voz de Galicia adicanlle media páxina os nosos concertos "Dolores D Kbza Rock" (aínda que o que escribe a noticia J.B. -agardo que non sexa o do whisky- puxo por 2 veces "Dolores Bekbeza" - que non sei de onde carallo inventou ese nome o José Baralla este-).

Sae unha foto en grande dos The Majestics, un grupo que xa aproveito para informarvos que non vai poder vir pois o seu batería José "Bonham" rompeu unha muñeca, e serán sustituidos polos Creole Kings Electric Band (un grupo que non oira falar del na miña vida).

Os C.K.E.B. son vigueses, o batería do grupo pertenceu os Killer Barbies da guapísima Silvia Superstar e fan un memorial das cancións de Elvis Pressley para recordar o 30 aniversario do seu falecemento. O cantante sal vestido igual que "Elvis The Pelvis" e dentro do espectaculo inclúense uns bailarins que nos amosan a pura esencia do estilo rockeiro.

Teño que agradecer a José Luis, o manager dos "The Majestics" a súa atención para con nós e as facilidades que nos dou para conseguir outro grupo pois xestionou todo dende a súa oficina de San Sebastián preocupandose él de chamar a varios grupos e preocuparse de que o grupo que sustituira os The Majestics tivera calidade dabondo.

Voltando as vacacións a primeira semana adicareina a currar a saco para que poidamos ter unhas festas o máis levadeiras posibles e coa menor presión que se poida (aínda que iso é moi difícil): que faga bon tempo, que faga bon tempo, que faga bon tempo, que nos cheguen os cartos, que nos cheguen os cartos, que nos cheguen os cartos, que nos colla o palco da Panorama, que nos colla o palco da Panorama, que nos colla o palco da Panorama -esto é o que teño na cabeza estos días a todas horas-. A verdade é que estresa pero como haxa xente e todo saia ben prometo cantar Dolores Se Llamaba Lola con Lito e Jorge da Panorama o derradeiro día das festas.

Nada máis, déixovos unha foto dunhas vistas maravillosas dende o Monte San Pedro de "La Ciudad Donde Nadie Es Forastero". Así pois, cando vexades o mar pensade nas miñas vacacións.

Bicos