Comezan as festas na nosa zona

Logo de que nalguns lugares de Galicia xa se saturaran de festas na pasada Semana Santa repetindo cartel en moitos lugares as 3 formacións punteiras galegas, esto é, Panorama, Olympus e Paris de Noia chegan a nosa zona as festas populares. Unha das actividades con máis encanto do verán galego, e que consigue agrupar gran número de persoas en lugares pequenos, un fenómeno de masas que non debemos deixar perder en calqueira lugar que se preste ben sexa un pobo de miles de habitantes ou unha aldea con 2 casiñas (cada un coas súas limitacións claro está), o día do patrón é un día especial, unha festividade na que se achegan xentes de outros lares que se non fose pola actuación de esta ou outra orquesta xamáis visitaría tales lugares. A nivel persoal debo dicir que grazas as festas populares galegas coñecín lugares tan dispares coma Borraxeiros, Ligonde, Rodeiro ou Val do Xestoso (estou a falar de lugares pequenos) que se cadra de outro modo xamáis coñecería.
A nivel do Concello de Sobrado a festa que inicia "a xira" de este ano 2009 será o San Marcos de Carelle que terá lugar este sábado 25 de abril coas actuacións de XENTE NOVA (orquestra da nosa amiga Roly) e do dúo Capicornio (está ben escrito, non é Capricornio).
Chegado o mes de maio aló polos días 14, 15 e 16 de maio chega unha festa que aglutina un número importante de público: o San Victorio de Grixalba que este ano conta con un moi bo cartel. As actuácións serán as seguintes:
Venres 15 de maio MARBELLA (que gañas teño de vela) e Dúo Camelia.
Sábado 16 de maio Orquestra CIBELES e o Grupo CICLÓN (Moitísima caña dan estes santiagueses).
Domingo 17 de maio (Día das letras galegas) haberá sesión vermú co Dúo Libertad.

Xa metidos en xuño haberá festa en Penagrande (Grixalba), o sábado día 13 actuará o grupo feminino CHICAS SHOW e o domingo 14 o Dúo Abece será o encargado de facer a sesión do mediodía.

Polo medio quedan as festas de Cumbraos, As Pías e o San Pedro, que estarán neste blog cando se fagan oficias os carteis.

Que disfrutedes das festas!