Rompetechos

Como a maioría dos nenos da miña idade, os libros de comics tiveron parte fundamental na miña infancia, unha infancia onde non había "PlayStations", nin "X-Boxes", nin nada que se lle parecese, o único as típicas maquinitas que traian un so xogo. Había "Super CinExines", "Trens de Vapor", "Autocrosses", os "Playmóbiles", etc.
Penso que a xente da miña xeneración se identifica moito cos tomos de Super Humor, onde os protagonistas eran Zipi y Zape, Carpanta, Pepe Gotera y Otilio, Mortadelo y Filemón, 13 Rúe del Percebe ou o "fenómeno" Rompetechos.
Sempre foi o protagonista cos comics que máis me gustou, é un personaxe que me parece moi entrañable e que me ten feito rir moito.
Rompetechos foi creado polo gran Fernando Ibáñez e apareceu por primeira vez na revista "Tio Vivo" o 6 de abril de 1964.
Ibáñez fixo da particular cegueira de Rompetechos que o levaba a confundirse miles de veces unha forma de entender o humor.

Aparéntemente Rompetechos debe ser un home que está sen traballo ou ben ten moito tempo libre pois nas súas historietas non se lle coñece traballo fixo. Sempre vestido co seu traxe negro, destaca por mercar obxetos e ter "desventuras con eles" ou ben chamarlle a atencións os obxetos ou animais que teñen outros personaxes que aparecen nas historietas. Sempre sairá malparado e levando algún golpe demáis, pese a iso, seguirá sendo tenaz e persistente para acadar o seu obxetivo levándose aínda máis "mamporros".
O final das historias sempre acaba denunciando a supostos policías os "golpes" sufridos:xeranios, farolas ou cans son confundidos con axentes por Rompetechos.

Se podedes votadelle unha vista os cómics que hai anos que non ledes porque nunca está demáis refrescar a memoria e de paso seguro que vos voltarán a vir a cabeza historias pasadas da vosa infancia.

Saudos